جعل السحاب اللي معه برق ورعود
يمطر على دارٍ وليفي سكنها

يسقي وطن منتوقة العنق يا سعود
مالي وطن بالعارض إلا وطنها

قلبي غدا واستيسره لين العود
محدن يفك القلب يا سعود منها

ساطي وفي كفه قديحة وبارود
وادخل يده بين الضلوع ودفنها

بيني وبينه وصل وأسرار وعهود
مصيونة ما تدري الناس عنها

في كل عام يزود حبه بعد زٓود
اقفى بروحي والتوا في رسنها

أموت بين الخد وعيونه السود
وحواجب ربي بملحة قرنها

وشعرٍ بدهن المسك والورد مكدود
جديلةٍ تضمني واحتضنها

ليلٍ جمعني به عسى ليت ويعود
يبعد عن النفس الحزينه حزنه